Шăхасанти культура çуртĕнче вĕренÿре «пиллĕк» паллăсемпе ĕлкерсе пыракан пултаруллă çамрăксене чысланă.
Отличниксен слетне Канаш тăрăхĕнче кăçал пуçласа йĕркеленĕ. Унта пĕтĕмпе 283 ачана йыхравланă. Вĕсем 2-мĕш клас-ран пуçласа 10-мĕш класра вĕренекенсем.
Слета вĕренÿ управленийĕн ертÿçи Лариса Сергеева уçнă, ачасене çак курăмлă çитĕнÿпе саламланă, вĕрентекенсемпе ашшĕ-амăшне тав тунă. Унтан кашни отличника Тав хучĕ парса чысланă, çуллахи канăва усăллă ирттерме ăнăçу суннă.
Ÿкерчĕкре: Вăрăмпуç шкулĕнче «5» паллăсемпе вĕренсе пыракансем.
