Çулсерен Чăваш Республикин Экономика аталанăвĕн министерстви «Чăваш Енри суту-илÿ» республика шайĕнчи конкурс ирттерет.
Ăна сутуçăсен чи лайăх практикине ĕçтешĕсен хушшинче палăртас тата вĕсен пысăк çитĕнĕвĕсем çинчен ыттисене каласа кăтартас тĕллевпе йĕркелеççĕ.
Асăннă конкурса утă уйăхĕн 20-мĕшĕнче Суту-илÿ ĕçченĕсен кунĕ тĕлне пĕтĕмлетнĕ, çĕнтерÿ-çĕсене кашни номинацирех чысланă.
Канашри райпо ĕçченĕсем «Чи лайăх мобильлĕ суту-илÿ объекчĕ» номинацире пĕрремĕш вырăн çĕнсе илнĕ. Çак çитĕнÿпе вĕсене саламлатпăр, малашне те кăтартуллă ĕçлесе пыма ăнăçу сунатпăр.
