Вырсарникун траснпорт отраслĕн ĕçченĕсем хăйсен професси уявне паллă тăвĕç.
Хаçат тусĕсене журналистсемпе тачă çыхăнса ĕçлекен хастарсемпе — округ администрацийĕн ăста водителĕсемпе паллаштаратпăр. Вĕсемпе пĕрле эпир муниципалитетра иртекен кашни мероприятие кĕске самантра çитсе килетпĕр, çĕнĕ хыпара вулакан патне оперативлă çитерме тăрăшатпăр.
Сăн ÿкерчĕкре сулахайран пĕрремĕшĕ — Олег Микушин, вăл çак туслă ушкăн ĕçне йĕркелесе пырать, шанчăклă тата юсавлă техникăпа водительсене кашни ир рейса кăларса ярать. Сылтăмалла: Юрий Сергеев, Алексей Банкрашков, Александр Тарасов, Владимир Миронов тата Сергей Колосков водительсем. Вĕсем хăйсен ĕç вырăнĕнче нумайранпа тăрăшаççĕ, чăн-чăн профессионалсем пулнипе палăрса тăраççĕ.
Журналистсен ĕçне çăмăллатма пулăшакан çывăх юлташсене çывхарса килекен професси уявĕ-пе пĕтĕм чун-чĕререн саламлатпăр, малашне те килĕшÿре тата ăнланура ĕçлесе пырасса шанатпăр.
